اس ماہ کے آغاز میں پاکستان کے صدر آصف علی زرداری کی طرف سے اجمیر میں بارہویں صدی کے صوفی بزرگ کے مزار پر حاضری، بہتر ہوتے ہوئے دو طرفہ تعلقات کے سلسلے میں بہت زیادہ علامتی حثیت رکھتی ہے۔

یہ اس خیال کو بھی تقویت دیتی ہے کہ تَکثیریت اور شمولیت کو منائے جانے کی بنیاد پر بنایا گیا جوابی نظریہ متشدد انتہاپسندی کو شکست دینے میں مددگار ہو سکتا ہے۔

اس ہفتے، نئی دہلی میں ایک بین الاقوامی اور کثیر فرقاتی میٹنگ منعقد ہوئی جس کا موضوع "صوفی ازم اور انڈین اسلام" تھا۔ اس میں صوفیانہ روایات کو منایا گیا جو انڈیا میں اسلام کا بنیادی جزو ہیں جہاں کہ سترہویں صدی کے مغل بادشاہ اکبر کے دورِ حکومت میں دنیا کی دوسری سب سے بڑی مسلمان آبادی موجود تھی۔

اس تقریب کے مرکزی مقرر آل انڈیا علما و مشائخ بورڈ (اے آئی یو ایم بی) کے جنرل سیکرٹری حضرت مولانا سید محمد اشرف صاحب کیچوہاوی تھے جو کہ شمالی ہندوستان کے مسلمانوں میں، جن کی اقتصادی بدحالی نے روایتی طور پر وہاں انتہاپسندوں کو حمایت دلائی ہے، اپنے خاموش مگر پر عزم کام کے باعث بہت عزت رکھتے ہیں۔

کیچوہاوی نے خبر کو بتایا کہ حضرت محمد صلی اللہ و علیہ وسلم کے پیروکاروں کو اسلام کی متشدد اقسام کو نظر انداز کر دینا چاہیے جنہوں نے "ایک طرف تو مسلمانوں اور غیر مسلمانوں اور دوسری طرف خود مسلمان معاشرے میں ایک خلیج پیدا کر دی ہے"۔

انہوں نے کہا کہ "مسلمان عوام کے لیے میرا پیغام یہ ہی ہے کہ وہ دہشت گردوں سے جنگ کرنے کے لیے سیکولر حکومت کے ساتھ تعاون کریں"۔

کیچوہاوی نے کہا کہ اس پیغام کو بہار اور اترپردیش کے لوگوں میں سنا گیا ہے جہاں کہ انڈیا کے اندازاً 178 ملین مسلمانوں میں سے سب سے زیادہ مسلمان آباد ہیں۔

انہوں نے کہا کہ "کوئی بھی تشدد نہیں چاہتا اور مسلمان اس سے مختلف نہیں ہیں۔ ہندووں نے بھی مثبت ردعمل ظاہر کیا ہے کیونکہ یہ انڈیا کے ہر باشندے کا قدیم مزاج ہے"۔

لاہور سے تعلق رکھنے والے سیاسی سائنس دان رفیق قادر کے مطابق جنوبی ایشیا کے دوسرے علاقوں میں بھی صوفیانہ وراثت میں دوبارہ سے دلچسپی دیکھنے میں آئی ہے۔ انہوں نے خبر کو بتایا کہ "آج کل پاکستان میں صوفی ازم میں دلچسپی بڑھ رہی ہے"۔

قادر نے کہا کہ "گزشتہ بیس سالوں کے دوران پاکستان اور افغانستان پر ایک ہی سمت میں توجہ مرکوز کرنے والا اسلام چھایا رہا ہے جس میں عدم اتفاق کو برداشت نہیں کیا جاتا۔ ہزاروں تاریخی مقبروں کو طالبان اور القاعدہ نے تباہ کر دیا۔ مگر یہ زیادہ عرصے تک نہیں چلتا"۔

صوفیوں کو اس چیلنج کا سامنا کرنے میں جس چیز نے ترجیح دلائی ہے وہ لاہور میں قائم منہاج القران انٹرنیشنل کے بانی طاہر القادری جیسے سکالرز کی محنت ہے جو کہ دہشت گردی کا مقابلہ انسانیت کے لیے محبت اور خلوص کا درس دے کر کرنے کی کوشش کر رہے ہیں۔

قادری جو کہ ایک سے زیادہ قاتلانہ حملوں میں بچ چکے ہیں، نے جنوری میں انڈیا اور پاکستان کے درمیان امن کے عمل کو نہایت ضروری جوش و جذبہ دیا جب انہوں نے انڈیا کے اہم شہروں جیسے کہ وادودارا، احمد آباد، حیدر آباد، اجمیر، ممبئی، رائے پور، بنگلور اور نئی دہلی کا دورہ کیا۔

کیچوہاوی نے کہا کہ " یہ پیغام نچلی سطح تک لے جایا گیا کہ اسلام کو مسخ کیا گیا ہے اور مسلمانوں پر ان کی غلط تشخیص کا بوجھ لاد دیا گیا ہے۔ اسلام عالمی امن اور محبت کا مذہب ہے"۔

انہوں نے کہا کہ اسلام کی شمولیت کی سب سے بڑی مثال اجمیر کا مزار ہے جہاں بزرگ آنے والوں کا مذہب جاننے کی پرواہ نہیں کرتے ہیں۔

"ان سے صرف یہ پوچھا جاتا ہے کہ آپ کا مسئلہ کیا ہے؟ اور اس امر سے بالاتر ہو کر کہ آیا وہ مسلمان ہیں یا ہندو ان کی پریشانیوں کو قبول کیا جاتا ہے"۔

کیچوہاوی نے کہا کہ "اسلام کی مدت (مشن) عالمی امن اور برادری کا قیام ہے۔ اس مشن کو مظبوط بنانے کی ایک بار پھر سخت ضرورت ہے۔ اس وقت سب سے اہم مسئلہ معاشرے میں امن بحال کرنا ہے جو کہ ترقی کے لیے اولین شرط ہے۔ جدید تحریک کا مقصد اس بارے میں بالکل واضح ہے"۔