کھٹمنڈو، نیپال -- وزیر اعظم بابو رام بھٹا رائے نے بدھ (8 فروری) کو کہا کہ وہ کابینہ کے اس فیصلے پر دوبارہ غور کریں گے جس میں اس نے ماؤنواز بغاوت کے دوران طے ہونے والے زمین کے سودوں کو قانونی حیثیت دینا چاہی ہے۔ جمعرات (9 فروری) کو ہونے والے کابینہ کے اجلاس میں ماؤنواز چیئرمین پشپا کمال دھال اور ان کے نائب موہن بیدھیا کے سامنے اس مسئلہ پر بحث کی جائے گی۔

تین بڑی سیاسی پارٹیوں، یو سی پی این- ماؤنواز، سی پی این - یو ایم ایل، اور نیپالی کانگریس پارٹی نے بدھ کے روز کھٹمنڈو کے نواح میں واقع گوکرنا فاریسٹ ریزورٹ پر سات گھنٹے کا ایک اجلاس منعقد کیا۔

حزب اختلاف کی این سی اور یو ایم ایل پارٹیوں نے کہا کہ اس بات کا تعین کرنے کے لیے کہ زمین کے سودوں کے مسئلے پر احتجاج دوبارہ شروع کرنا چاہیے کہ نہیں، وہ جمعرات کو ہونے والے کابینہ کے فیصلے کا انتظار کریں گی۔